Túnfiskssalat

Ég leitaði og leitaði af uppskrift af túnfiskssalati á netinu en fannst engin fullkomin blanda. Ég blandaði því bara nokkrum uppskriftum saman og bjó til mína eigin uppskrift.

Uppskrift:
100 gr grískt jógúrt (flestar uppskriftir hafa majónes eða sýrðan rjóma)
70 gr epli (þetta var akkúrat hálft epli)
35 gr rauðlaukur (aðeins minna en hálfur rauðlaukur)
2 soðin egg (ég notaði bara eggjahvíturnar en það má vel setja eggjarauðurnar með)
1 dós af túnfiski (í vatni)
Pipar

Smátt saxaði bæði eplið og rauðlaukin og helltu þessu svo bara í eina skál og voila! Tilbúið á brauð, hrökkbrauð eða bara eintómt.

Þetta var í fyrsta skipti sem ég bý þetta til og fannst þetta bara mjög gott. Næst ætla ég að bæta við Avócadó út í en skv. mörgum uppskriftum ætti það að bragðast mjög vel. Efa það ekki því Avocado er náttúrulega best í heimi.

Fótaskrúbb

2dl sykur (eða hrásykur)
2 tsk matarsódi
4 tsk ólívíuolía
2 tsk hunang
Má bæta einhverjum ilmolíum við

Gott að hafa þetta á í 2 mín og hreinsa svo fæturna vel.

Snickers Cupcakes

Í tilefni af því að ég var að ljúka síðustu mánaðarmótunum mínum í Landsbankanum, ákvað ég að gera vel við samstarfsfólkið og bjóða þeim upp á Snickers Cupcakes. Vægast sagt þá er þetta góð leið til þess að fara í sykursjokk - en á móti er þetta þvílíkt sælgæti. Ef þér finnst Snickers ekki gott er einfaldlega hægt að skipta út Snickers í Mars, Twix eða eitthvað annað súkkulaði sem þér finnst gott.

Þetta eru rétt rúmlega 20 kökur

NB! 1 bolli er ca. 125gr ef þið eigið ekki bollaeiningu :)

Kökurnar:
½ bolli kakóduft
½ bolli heitt vatn
2 bollar hveiti
¾ tsk. matarsódi
¾ tsk. lyftiduft
¾ tsk. gróft salt
225gr ósaltað smjör
1½ bolli sykur
2 egg + 1 eggjarauða
1¾ tsk vanilludropar

2/3 bolli sýrður rjómi

Karamellusósan:

113gr ósaltað smjör
1 bolli sykur
1 bolli rjómi
¼ tsk. vanilludropar
smá salt

Fyllingin:

360gr Snickers (skorið niður í litla bita)

Kremið:
225gr ósaltað smjör (við herbergishita)
450gr flórskur
1½ tsk vanilludropar
1/3 bolli karamellusósa
smá gróft salt
2 msk. rjómi

Fyrir skreytingu:
120gr Snickers (skorið í litla bita)

Leiðbeiningar:
Ég myndi mæla með því að gera karamellusósuna fyrst. Ég gerði það þegar ég var búin með sjálfar kökurnar en hefði þurft lengri tíma að leyfa sósunni að þykkna. Næst þegar ég geri þessar kökur þá mun ég byrja á sósunni.

Sósan:

• Notaðu stóra pönnu og bræddu smjörið og sykurinn saman á miðlungshita. Hrærðu reglulega í blöndunni - þarf að fylgjast vel með þessu svo þetta brenni ekki - þar til sykurinn fer að bubbla og lítur svolítið eins og froða.
• Taktu pönnuna af hellunni og bættu rjómanum út í. Hrærðu þar til þetta er orðið mjúkt og fínt. Þegar rjómanum er bætt út í, getur sykurinn orðið að kögglum. En ef þú ert þolinmóður hrærðu þar til þetta eru orðnir littlir (engir) kögglar.
• Bættu svo vanilludropunum og saltinu út í.
• Ég sigtaði þetta svo í skál og leyfði að kælast í ísskápnum.
• Það er hægt að geyma sósuna í ísskáp í allt að tvær vikur! (er góð líka út á ís)

Kökurnar:

• Byrja á því að kveikja á ofninum og stilla á 180°C.
• Í skál að blanda saman kakóduftinu og heita vatninu þar til þetta blandast vel saman
• Í aðra skál, blandaðu saman þurrefnunum; Hveitinu, matarsóda, lyftiduft og salt
• Bræddu saman smjörið og sykurinn yfir meðalhita.
• Þeyttu svo saman smjör og sykurblönduna með hrærivél (Kitchen Aid). Settu þetta á meðalhraða þar til blandan er farin að kólna.
• Settu svo eitt egg í einu út í smjörblönduna og blandaðu vel saman
• Blandaðu svo kakóblöndunni út í þetta
• Blandaðu svo þurrefnunum út í ásamt sýrða rjómanum.
• Skiptu deiginu í muffinsform og fylltu þær ca. 3/4. 
• Bakaðu í 18-20 mín.
• Leyfðu þeim að kólna

Fyllingin:

• Skerðu holu í kökurnar með hníf
• Skerðu Snickers-ið í litla bita og settu í skál. Helltu karamellusósunni út í þar til þetta er orðið að góðri klessu. Hægt að miða við hálfan bolla af sósunni.
• Notaðu teskeið til þess að setja fyllinguna í holurnar á kökunum.

Kremið:

• Hrærðu saman smjörið þar til það er orðið mjúkt og fínt.
• Blandaður flórsykrinum út í smátt og smátt
• Settu vanilludropana, karamellusósuna og saltið út í og blandaðu vel saman (Passaðu að karamellusósan sé orðið vel köld því annars bráðnar smjörið og kremið eyðilegst)
• Settu rjómann út í og hrærðu þar til þetta er orðið létt og "Fluffy" í ca. 3-4mín.
• Settu svo kremið annaðhvort í skreytingarpoka eða bara nota skeið til að setja á kökurnar.

Skreyting:

• Notaðu svo restina af karamellusósunni til þess að skreyta kökurnar og snickers ofan á kremið.

Saffranbrauð

Sænsk jólahefð sem móðir mín tók upp þegar við bjuggum í Svíþjóð. Það koma ekki jól á mínu heimili nema búið sé að gera saffranbrauð.


50 gr eða 1 poki af geri
175 gr smjör eða olía
5 dl mjólk
1-2gr saffran, 2gr er betra
2 dl sykur
1 tsk salt
15-17 dl hveiti.  

Hefast í minnst 1 klst, áður en þú mótar og hefast svo líka á eftir ca 15 mín, síðan að pensla með eggi og ef þú vilt hafa rúsínur að stinga einni og einni í.   Bakist við 225° í ca 8 mín.

Fyrsta tilraunin hjá mér af saffranbrauði
heppnaðist bara nokkuð vel

Grænmetissúpa

Bjó til grænmetissúpu í kalda veðrinu. Ég setti sitt lítið af hvoru og hægt að bæta kjúklingi, baunum eða öðru sem þú átt til í ísskápnum út í súpuna.

4 kartöflur
1/2 rófa
4 gulrætur
1/3 púrrulaukur
2 sellerístangir
1/2 laukur
2 grænmetisteningar
1 kjúklingatengingur
2l vatn
salt&pipar

Kókosgaldrakúlur

Þetta er ein minnisstæðasta uppskriftin úr heimilisfræði þegar maður var lítill. Var í þvílíku uppáhaldi. Ákvað að prófa gera þær núna mörgum árum seinna og eru alveg eins og mig minnti.

100 gr Smjör

3 dl Haframjöl

1,5 dl Kókosmjöl

1,5 dl Flórsykur

1 tsk vanilludropar

2 msk Kakó

1 msk Vatn

Mjög einföld uppskrift, einfaldlega blanda öllu saman og búa til kúlur. Hægt að skreyta kúlurnar með kókosmjöli.

Ég setti ekki kókosmjöl á allar þar sem ekki öllum 

finnst kókos góður 

(sleppti  kókosmjölinu líka í kúlunum sjálfum).

Eplabaka (e. Apple Pie)

Er núna farin á fullt að prófa þá eiginleika sem nýja hrærivélin mín hefur upp á að bjóða. Í stað þess að vesenast í að blanda saman deiginu með höndunum skellti ég því bara í hrærivélina og voila! tilbúið á skotstundu.


Deigið:
110gr hveiti
100gr smjör
4 msk vatn
smá salt
1 msk sykur

Blanda öllu saman þangað til þetta er orðið vel þétt.

Fylling:
2-3 epli (ég notaði græn epli)
kanilsykur
egg

Ég skar eplin niður í skífur en auðvitað er hægt að brytja þau niður ef fólki finnst það betra/þægilegra.

Bakaði í 30 mín við 175°C.

Bar fram með rjóma. Einnig mjög gott að hafa vanilluís með þessu.

Frönsk súkkulaðikaka með karamellusósu og pekan hnetum

Þetta er líklega besta franska súkkulaðikaka sem ég hef gert. Með uppskriftinni ætti að fylgja mynd af kökunni en þegar ég mundi eftir að taka mynd af kökunni, voru krakkarnir búnir með hana.
Fékk þessa uppskrift hjá Steinunni Pálma en hún er snillingur í að koma til mín uppskriftum af frönskum súkkulaðikökum (alls ekki að hata það!).
Hér er uppskriftin, en ég gerði tvöfalda þar sem búist var við mörgum í matarboð:

Kakan
ca.80gr smjör
100 gr suðusúkkulaði
3 egg
3 dl sykur
1 tsk vanilludropar
1 ½ dl hveiti
1 tsk salt

1. Stillið ofninn á 175°C (blástur)
2. Bræðið saman smjörið og súkkulaðið
3. Þeytið saman eggin og sykurinn
4. Hveitinu og saltinu bætt varlega út í eggja/sykurblönduna.
5. súkkulaðinu svo loksins bætt út í.
6. Hellt í form og sett í 15 mínútur í ofninn.

Karamellusósan
60gr smjör
1 dl púðursykur
2 msk rjómi
1 poki pekanhnetur eða valhnetur (ég notaði Pekan hnetur)
100-150 g suðusúkkulaði, saxað

1. Púðursykrinum og smjör brætt saman í pott.
2. Þegar þetta er orðið vel blandað, bætið rjómanum út í og hrærið í ca. mínútu.

Kakan tekin út úr ofninum, Pekan hnetunum stráð yfir (grófsaxað - ég reyndar skellti þessu bara í blandarann í nokkrar sekúndur og muldi þetta þannig). Karamellusósunni hellt yfir og sett aftur inn í ofn í 20 mín.

Saxaði svo súkkulaði og stráði yfir kökuna þegar ég tók hana út.

Bar þetta fram með vanilluís og ferskum berjum (brómberjum, jarðaberjum, bláberjum, hindber)

-Anna Elvíra